ملتان سلطانز کے کپتان محمد رضوان نے پاکستان سپر لیگ (پی ایس ایل) سیزن 9 میں اپنی کارکردگی پر کھل کر بات کی۔

حال ہی میں نجی خبر رساں ادارے سے گفتگو میں ملتان سلطانز کے کپتان محمد رضوان نے اعتراف کیا کہ وہ پی ایس ایل 9 میں اپنی کارکردگی سے غیر مطمئن ہیں۔

ان کا کہنا تھا ’’میں اپنی کارکردگی سے غیر مطمئن ہوں، یہ سچ ہے کہ میری کارکردگی کی وجہ سے ہم دو میچز جیتے ہیں لیکن یہ بھی حقیقت ہے کہ جو مجھے خود سے توقعات تھیں یہ اس سے بالکل برعکس ہے‘‘۔

یاد رہے کہ محمد رضوان نے پی ایس ایل 9 میں 11 میچز کھیل کر مجموعی طور پر 381 رنز بنائے ہیں جب کہ رواں سیزن میں سب سے زیادہ رنز بنانے والے کھلاڑیوں کی فہرست میں ان کا دوسرا نمبر رہے۔

پی ایس ایل 9 میں سب سے زیادہ رنز بنانے والے کھلاڑیوں کی فہرست میں بابر اعظم کا پہلا نمبر ہے، جنہوں نے 11 میچز کھیل کر 569 رنز بنائے ہیں۔