راولپنڈی: پیپلز پارٹی کے مرکزی رہنماؤں کا ذولفقارعلی بھٹو کے پھانسی گھاٹ کی جگہ پر حاضری دینے کا فیصلہ۔

پیپلز پارٹی کے مرکزی رہنما کچھ دیر بعد راولپنڈی کے جناح پارک پہنچیں گے جہاں وہ شہید ذولفقارعلی بھٹو کے پھانسی گھاٹ کی جگہ پر حاضری دیں گے۔

ذولفقار علی بھٹو کو 4 اپریل 1979 کو راولپنڈی جیل میں پھانسی دی گئی تھی جہاں اس وقت جناح پارک موجود ہے۔

خورشید شاہ، قمر زمان کائرہ، چوہدری منظور، نفیسہ شاہ اور مختار عباس کچھ دیر میں جناح پارک پہنچیں گے جب کہ پیپلز پارٹی راولپنڈی کے مرکزی قائدین مختار عباس کی قیادت میں جناح پارک پہنچنا شروع ہوگئے ہیں۔

ملک خالد نواز بوبی عامر پراچہ، بابت سلطان جدون، راجہ کامران و دیگر رہنما جناح پارک پہنچ گئے ہیں۔