اسلام آباد: الیکشن کمیشن آف پاکستان نے سینیٹ انتخابات 2024 کی تیاریاں مکمل کرلی ہیں۔

ذرائع کے مطابق سینیٹ انتخابات کا شیڈول رواں ہفتے جاری کیا جائے گا جب کہ سینیٹ انتخابات اپریل کے پہلے ہفتے میں کروانے کا فیصلہ کیا گیا ہے۔

سینیٹ کی 48 نشستوں پر انتخابات ہوں گے جس کے لیے الیکشن کمیشن آف پاکستان نے تیاریاں مکمل کرلی ہیں۔

چاروں صوبوں سے سینیٹ کی سات، 7 جنرل نشستوں جب کہ دو، دو خواتین اور دو، دو ٹیکنوکریٹ نشستوں پر انتخابات ہوں گے۔

علاوہ ازیں پنجاب اور سندھ سے ایک، ایک اقلیتی نشست پر بھی انتخاب ہوگا جب کہ اسلام آباد کی ایک جنرل اور ایک ٹیکنوکریٹ نشست پر انتخاب ہوگا۔