ٹی 20 ورلڈ کپ 2009 کی فاتح ٹیم کے اسٹار کرکٹرز کا امریکہ میں شاندار استقبال کیا جائے گا۔

تفصیلات کے مطابق  سابق کپتان یونس خان کی قیادت میں اسٹار کرکٹرز 18 اپریل کو ہیوسٹن سے اپنے دورہ امریکہ کا آغاز کریں گے۔

اسٹارکرکٹرز 18 اپریل کو ہیوسٹن کے معروف آغاز ریسٹورینٹ میں ایک پریس کانفرنس اور 19 اپریل کو میٹ اینڈ گریٹ پروگرام میں شرکت کریں گے۔

ٹی 20 ورلڈ کپ کی چیمپئن ٹیم 20 اپریل کو ہیوسٹن کے مشہور موسیٰ اسٹیڈیم میں امریکی لیگ کی چیمپئن ٹیم نائٹ رائڈرز یونائیٹڈ کے ساتھ 20 اوورز کا ایک نمائشی میچ بھی کھیلے گی۔

نمائشی میچ میں جیتنے والی ٹیم  کے لیے بنائی گئی ٹرافی کی تقریب رونمائی کا آغاز ریسٹورنٹ پر منعقد ہوئی جس میں نیشنل پروموٹر اور کلیدی اسپانسرز نے بھی شرکت کی۔

امریکہ کا دورہ کرنے والے اسٹار کرکٹرز میں  یونس خان کے علاوہ شاہد آفریدی،  شعیب ملک ،مصباح الحق ، عبدالرزاق ، کامران اکمل، سعید اجمل ،عمر گل اور دیگر  شامل ہوں گے۔

میٹ اینڈ گریٹ پروگرام کی میزبانی معروف ٹی وی اینکر وسیم بادامی کریں گے۔