وفاقی وزیر رانا تنویر حسین نے مرید کے میں میڈیا سے گفتگو کرتے ہوئے کہا کہ اندر سے آوازیں نا جانے کیوں اٹھ رہی ہیں وزیر اعظم نہ بننے کا فیصلہ نواز شریف کا اپنا تھا، حالانکہ شہباز شریف کو وزیر اعظم بنانے کا فیصلہ بھی میاں نواز شریف کا تھا، میاں نواز شریف وزیر اعظم بننا چاہیں تو آج بن سکتے ہیں۔

رانا تنویر نے کہا کہ وزیر اعظم شہباز شریف کافوکس مہنگائی کم کرنا اور معیشت کی بحالی ہے، مہنگائی کم ہونا شروع ہے پانچ چھ ماہ میں مزید کمی آئے گی۔

ایک سوال کے جواب میں انہوں نے کہا کہ میاں نواز شریف نے ہمیشہ سب کو بیٹھنے ساتھ لیکر چلنے کی بات کی، صدر زرداری اگر کوئی کردار ادا کرنا چاہتے ہیں تو ویلکم کرتے ہیں۔

انہوں نے مزید کہا کہ مسلم لیگ پی ٹی آئی سمیت سب جماعتوں کیساتھ بیٹھنے کو تیار ہے، پی ٹی آئی اپنی سوچ پاکستان کی سوچ بنائے پھر بات آگے بڑھ سکتی ہے۔