ہماری کسی سے کوئی بات چیت یا مذاکرات نہیں ہورہے، چیئرمین پی ٹی آئی
بیرسٹر گوہر علی خان کا کہنا ہے کہ بانی پی ٹی آئی نے ایک بار پھر شیر افضل مروت کا نام چیئرمین پی اے سی کے لئے فائنل کیا ہے۔
پاکستان تحریک انصاف کے چیئرمین بیرسٹر گوہر علی خان نے میڈیا سے گفتگو کرتے ہوئے کہا کہ بانی پی ٹی آئی سے ملاقات میں چیئرمین پی اے سی کے حوالے سے حتمی مشاورت کی اور انہوں نے ایک بار پھر شیر افضل مروت کے بطور چیئرمین پی اے سی نام کی منظوری دی ہے۔
انہوں نے کہا کہ ہماری کسی سے مذاکرات کے حوالے سے کوئی بات چیت نہیں ہو رہی،ہمارے کسی کے ساتھ کوئی بیک ڈور رابطے نہیں ہیں، اگر ہوئے تو سب کو بتائیں گے۔
بیرسٹر گوہر کا کہنا تھا کہ عید سے پہلے بانی چیئرمین کی رہائی کےلئے پرامید تھے، امید ہے کہ اب بانی چیئرمین کی رہائی جلد ہوگی، جیل انتظامیہ سے طے پاگیا ہے کہ ہمارے چھ وکلا کی بانی چیئرمین سے ملاقات ہواکرے گی۔
چیئرمین پی ٹی آئی نے کہا کہ ایم کیو ایم، مسلم لیگ ن اور پیپلز پارٹی کے علاوہ سب سے بات چیت کریں گے، مولانا فضل الرحمن کے ساتھ احتجاج کے حوالے سے ہماری بات چیت چل رہی ہیں، احتجاج ہمارا آئینی حق ہے، ہم احتجاج کرتے ہیں تو ہمارے اوپر لاٹھی چارج کیا جاتا ہے، ہمارے اوپر مقدمات بنائے جاتے ہیں۔
انہوں نے کہا کہ ہمیں پارلیمنٹ میں بولنے کا موقع نہیں دیا جاتا، ہماری جماعت واحد سیاسی جماعت ہے جس میں سب کو بات کرنے کا موقع دیا جاتا ہے، ہمارے پاس پنجاب میں 107 سیٹیں ہیں،کے پی کے میں ہماری حکومت ہے۔
انہوں نے مزید کہا کہ میرے 20 سال اسلام آباد میں گزرے ہیں اور عمر ایوب 22 سال سے سیاست میں ہیں، بانی پی ٹی آئی کی رہائی بہت ضروری ہے، ہماری کوشش تھی عید سے قبل رہا ہوں،بانی پی ٹی آئی مئی میں اڈیالہ جیل سے رہا ہوں گے اور عوام کے درمیان ہوں گے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News