صدر آصف علی زرداری سے چیف آف آرمی اسٹاف جنرل عاصم منیر سے ملاقات کی۔

تفصیلات کے مطابق آرمی چیف جنرل عاصم منیر نے صدر کو مسلح افواج کے کمانڈر کا عہدہ سنبھالنے پر مبارکباد دی۔ا

چیف آف آرمی اسٹاف نے صدر مملکت کی کامیاب مدت کے لیے نیک خواہشات کا اظہار کیا۔

آرمی چیف نے صدر کو دہشتگردی سے متعلق آپریشن سےآگاہ کیا اور روایتی خطرات کے خلاف آپریشنل تیاریوں پر روشنی ڈالی۔

آرمی چیف نے صدر کو بلوچستان، کے پی کے ترقیاتی منصوبوں میں فوج کے کردار سے آگاہ کیا۔

ملاقات میں صدرمملکت آصف علی زرداری نےمسلح افواج کے مثالی کردار کو بھی سراہا اور کہا کہ ریاستی خودمختاری،علاقائی سالمیت کےتحفظ میں فوج کی خدمات کلیدی ہیں۔

صدر مملکت نےمتاثرہ علاقوں کی سماجی ترقی کے لیے فوج کی کوششوں کو بھی سراہا، صدر نے قومی ترقی کی جانب پاک فوج کے غیرمتزلزل عزم کو بھی اجاگر کیا۔

صدر مملکت آصف علی زرداری نے دہشتگردی کے خلاف پاکستان کے غیر متزلزل عزم کا اعادہ کیا اور قومی طاقت کے ذریعے دہشتگردی کا بھرپور جواب دینے کے قومی عزم کا اظہار کیا۔