روس نے  اقوام متحدہ کی سلامتی کونسل میں  خلاء میں جوہری ہتھیار رکھنے کی امریکی و جاپانی قرارداد ویٹو کردی۔

بین الاقوامی خبررساں ادارے کے مطابق    خلاء  میں جوہری ہتھیاروں کے معاملے پر اقوام متحدہ میں روس اور امریکہ کے درمیان اس وقت لفظی جنگ چھڑگئی جب  روس نے امریکہ کی جانب سے تیار کردہ اقوام متحدہ کی سلامتی کونسل کی قرارداد کو ویٹو کر دیا۔

یہ قرارداد ایسے وقت میں پیش کی گئی جب واشنگٹن نے حال ہی میں ماسکو پر خلاء میں بھیجنے کے لیے  اینٹی سیٹلائٹ جوہری ہتھیار تیار کرنے کا الزام لگایا ہے۔

اقوام متحدہ میں روس کے سفیر واسیلی نیبنزیا نے کہا کہ اقوام متحدہ کی سلامتی کونسل خلاء میں ہتھیاروں پر بحث کا مناسب پلیٹ فارم نہیں ہے۔

دوسری جانب روس کے صدر ولادیمیر پیوٹن  کا کہنا ہے کہ ماسکو خلاء میں جوہری ہتھیار رکھنے کے خلاف ہے۔

امریکی قرارداد کو 13 ممالک کی حمایت حاصل تھی جبکہ چین نے ووٹنگ میں حصہ نہیں لیا۔

روس اور چین نے خلاء میں کسی بھی نوعیت کے ہتھیار رکھنے پر دائمی پابندی کا مطالبہ کیا۔