شہر قائد کے بجلی صارفین پر بھی بجلی گرانے کی تیاریاں کی جارہی ہیں اور کے الیکٹرک نے بجلی کی قیمت میں اضافے کی درخواست نیپرا میں جمع کرادی۔

کے الیکٹرک کی جانب سے 9 ماہ کی فیول پرائس ایڈجسٹمنٹ کیلئے نیپرا میں درخواست دائر کی گئی ہے جس میں کے الیکٹرک نے7 ماہ کی ماہانہ ایڈجسٹمنٹ میں فی یونٹ 18.86 روپے کا اضافہ مانگا ہے۔

کے الیکٹرک کی جانب سے دائر درخواست میں کہا گیا کہ جولائی 2023 تا مارچ 2024 ایف سی اے کی مد میں وصولیوں کی درخواست کی گئی ہے۔

درخواست میں کے الیکٹرک نے ایف سی اے کی مد میں 7 ماہ کا اضافہ مانگا ہے۔ کے الیکٹرک نے صرف دو ماہ کے لیے ایف سی اے منفی میں درخواست میں شامل ہے۔

کے الیکٹرک درخواست میں کہا گیا کہ سات ماہ کا مجموعی اضافہ 18 روپے 78 پیسے بنتا ہے، دو ماہ کیلئے کمی کی مد میں 1 روپے 88 پیسے کی درخواست ہے۔

نیپرا کے الیکٹرک کی درخواست پر 9 مئی کو سماعت کرے گا۔ اتھارٹی سماعت کے بعد ایف سی اے کی مد میں درخواست پر فیصلہ کرے گی۔

کے الیکٹرک کے ملٹی ائیر ٹیرف کی منظوری نہ ہونےکے باعث اتنا عرصہ درخواست جمع نہ کرائی جا سکی۔