اداکار اللو ارجن نے اپنی انتہائی متوقع فلم پشپا 2 کے پہلے گانے کا پہلا ٹیزر شیئر کردیا ہے جس کا ٹائٹل بھی “پشپا پشپا” ہے۔

دیوی سری پرساد نے اس گانے کو کمپوز کیا ہے جبکہ ٹیزر میں پشپا کو اپنا مشہور پوز کرتے ہوئے دکھایا گیا ہے اور اس کا اختتام ایک تاریخ کے ساتھ ہوتا ہے جس میں واضح کیا گیا ہے کہ یہ گانا یکم مئی کو ریلیز کیا جائیگا۔

اللو ارجن نے اپنے انسٹاگرام پر ایک کیپشن کے ساتھ ٹیزر شیئر کیا، “پشپا پشپا” یکم مئی کو صبح 11:07 بجے ریلیز ہوگا۔

پشپا 2: دی رول پہلی فلم میں رشمیکا مندنا، فہد فاصل، جگدیش پرتاپ بندری، اور سنیل اپنے کرداروں کو دوبارہ نبھاتے ہوئے نظر آئیں گے۔

یہ فلم 15 اگست کو بھارت کے یوم آزادی پر ریلیز ہونے والی ہے جبکہ پشپا 2 کا آفیشل ٹیزر 8 اپریل کو ساؤتھ انڈین سپر اسٹار کی 42 ویں سالگرہ کے موقع پر کیا گیا تھا۔

خیال رہے کہ فلم کے پہلے سیکوئل میں اللو ارجن کو نیشنل فلم ایوارڈ سے نوازا گیا تھا جو کہ ان کے لئے ایک بہت بڑی کامیابی تھی۔