خیبر پختون خوا میں مخصوص نشستوں کے معاملےمیں حلف نہ لینے پرتوہین عدالت کی درخواست سماعت کےلیےمقررکردی گئی۔

پشاورہائیکورٹ کا2رکنی بنچ توہین عدالت کی درخواست پرآج سماعت کرےگا۔ جسٹس ایس ایم عتیق شاہ اورجسٹس سیدارشدعلی2رکنی بنچ میں شامل ہیں۔

درخواست میں کہا گیا ہے کہ عدالتی احکام کے باوجودممبران سےحلف نہیں لیاگیا، ممبران کوسینیٹ انتخابات میں ووٹ کاحق نہیں دیاگیا۔

دائر درخواست میں یہ بھی مؤقف پیش کیا گیا کہ اسپیکر، ڈپٹی اسپیکرنےعدالتی احکام کی خلاف ورزی کی، اسپیکراورڈپٹی اسپیکر کے خلاف توہین عدالت کی کارروائی کی جائے۔

درخواست میں یہ بھی استدعا کی گئی کہ عدالتی احکام کی خلاف ورزی پراسپیکر، ڈپٹی اسپیکرکونااہل قراردیں۔