وزیراعظم شہباز شریف سے فرانس کے سفیر نکولس گیلی کی ملاقات

فہد چوہدری

03rd Apr, 2024. 04:33 pm
شيئر

اسلام آباد: وزیراعظم شہباز شریف سے پاکستان میں فرانسیسی سفیر نکولس گیلی نے ملاقات کی ہے۔

وزیراعظم شہباز شریف سے فرانس کے سفیر نکولس گیلی کی ملاقات ہوئی جس میں سفیر نے وزیراعظم فرانس کی جانب سے وزیراعظم شہباز شریف کو مبارکباد کا خط پیش کیا۔

وزیراعظم نے تہنیتی پیغام پر فرانس کی قیادت کا شکریہ ادا کرتے ہوئے کہا کہ پاکستان کے فرانس کے ساتھ دوستانہ اور خوشگوار تعلقات ہیں۔

وزیراعظم کا کہنا تھا کہ دونوں ممالک دو طرفہ تعلقات میں بہتری کے لیے کام کر رہے ہیں، ملاقات میں وزیر خارجہ اور معاون خصوصی طارق فاطمی بھی موجود تھے۔

اختتام