قرآن پاک کی بے حرمتی کرنے والا شخص ناروے میں اپنے فلیٹ میں مردہ حالات میں پایا گیا ہے۔

تفصیلات کے مطابق سوشل میڈیا پر ریٹیو جینیوا کے اکاؤٹ سے ایک پوسٹ کی گئی ہے جس مٰں دعویٰ کیا گیا ہے کہ ملعون 37 سالہ سلوان مومیکا کی لاش اس کے گھر سے ملی ہے۔

ریڈیو جینیوا نے سوشل میڈیا پر لکھا کہ اس خبر کی تصدیق کی جارہی ہے، تاہم اس خبر کو ایکس پر ایک ملین سے زائد افراد نے دیکھا جس کے بعد ایکس منتظمین نے اس پوسٹ کو ایکس سے حذف کر دیا۔

واضح رہے کہ ملعون سلوان مومیکا عراقی نژاد ہے جو 2018 میں عراق سے فرار ہو کر سویڈن پہنچا تھا، سویڈن کی حکومت نے اسے 2021 میں اپنے ملک میں رہائش کی اجازت دی تھی۔

ملعون سلوان مومیکا نے 2023 میں سویڈن کی ایک مسجد کے باہر قرآن پاک کو جلانے کی ناپاک جسارت کی تھی، جس پر دنیا بھر کے مسلمانوں میں غم و غصے کی شدید لہر دوڑ گئی تھی۔

ملعون ایک ماہ قبل ہی ناروے پہنچا تھا کیونکہ سویڈن میں رہائش کے لیے درکار دستاویزات مکمل نہ ہونے پر اس کی سیاسی پناہ کی درخواست کو مسترد کر دیا گیا تھا۔