سینیگال میں حزب اختلاف کے کم معروف مسلمان بصیرو فائی دو ہفتے قبل جیل سے رہا ہونے کے بعد ملک کا صدر بن گیا۔

تفصیلات کے ماطبق سینیگال نے بصیرو دیومائے فائی کو اپنا صدر منتخب کر لیا ہے، جو دو ہفتے قبل ہی جیل سے رہا ہوئے تھے، وہ سینیگال کے کم عمر ترین صدر کی حیثیت سے ملک کے صدر بن گئے ہیں۔

حزب اختلاف کی اس کم معروف شخصیت کی جیل سے محل تک ڈرامائی رسائی صرف چند ہفتوں میں مکمل کر لی ہے۔

بائیں بازو سے تعلق رکھنے والے افریقی رہنما نے 24 مارچ کو ہونے والے انتخابات میں اصلاحات کے وعدے پر پہلے مرحلے میں کامیابی حاصل کرنے کے بعد منگل کو حلف اٹھایا تھا۔ 44 سال کی عمر میں وہ سینیگال کے سب سے کم عمر صدر ہیں۔

دارالحکومت ڈکار کے قریب دیامنیاڈیو میں فائی نے کہا کہ خدا اور سینیگالی قوم کے سامنے، میں جمہوریہ سینیگال کے صدر کا عہدہ وفاداری سے نبھانے کی قسم کھاتا ہوں۔

سبکدوش ہونے والے صدر میکی سال کے ساتھ اقتدار کی باضابطہ منتقلی ڈکار میں صدارتی محل میں ہوگی۔

فائے کو ووٹنگ سے دو ہفتے سے بھی کم وقت قبل حزب اختلاف کی مقبول شخصیت اور رہنما عثمان سونکو کے ساتھ جیل سے رہا کیا گیا تھا۔

گزشتہ برس سونکو اور فائی کی گرفتاریوں کے بعد کئی ماہ سے جاری بدامنی اور ان خدشات کے بعد یہ خدشات ظاہر کیے گئے تھے کہ صدر آئینی مدت کی حدود کے باوجود تیسری مدت کے لیے عہدے کی کوشش کریں گے۔

انسانی حقوق کی تنظیموں کا کہنا ہے کہ مظاہروں میں درجنوں افراد ہلاک ہوئے اور تقریبا ایک ہزار افراد کو جیل بھیج دیا گیا۔

ایک چھوٹے سے قصبے سے تعلق رکھنے والے مسلمان فائی کی دو بیویاں ہیں، جو دونوں منگل کے روز حلف کے موقع پر وہاں موجود تھیں۔