وزیراعظم شہبازشریف نے کہا ہے کہ ججزکو موصول ہونے والے خطوط میں مشکوک پاؤڈرپرتحقیقات جاری ہیں۔ سپریم کورٹ اس معاملے کو دیکھ رہی ہے۔

اسلام آباد میں وفاقی کابینہ کے اجلاس میں گفتگو کرتے ہوئے وزیراعظم شہبازشریف نے کہا ہے کہ کل جو مشکوک خطوط ججز کو گئے تھے ان میں پاؤڈرتھا۔ سنجیدہ معاملہ ہے اس پرسیاست کی بجائے تحقیقات کرنی چاہیے۔ اس معاملے پرہم نے اپنی ذمےداری پوری کردی تھی۔

وزیراعظم نے کہا کہ معاشی استحکام سے ہی غربت کا خاتمہ ممکن ہے، امید ہےرواں ماہ آئی ایم ایف سےقسط مل جائیگی، آئی ایم ایف کی شرائط اتنی آسان نہیں ہونگی۔

انھوں نے اجلاس میں گفتگو کرتے ہوئے کہا کہ سریم کورٹ نے سوموٹو لیاکل سماعت شروع ہوئی، سپریم کورٹ میں ہونے والی ملاقات کی روشنی میں کابینہ کی منظوری سے ہم نےانکوائری کمیشن بنایا تصدق جیلانی کو سربراہ مقررکیا، بعد میں سابق چیف جسٹس تصدق جیلانی نےخود کو الگ کرلیا۔

وزیراعظم شہبازشریف نے کہا کہ حکومت پاکستان اس معاملے کی تحقیقات کرائے گی، تصدق جیلانی انکوائری کمیشن مشاورت سے بنایاتھا، وزارتوں کی کارکردگی کا جائزہ لینے کیلئے اجلاس کررہاہوں، سپریم کورٹ اس معاملے کو خود ڈیل کررہی ہے۔

وزیراعظم شہبازشریف نے وفاقی کابینہ کے اجلاس میں صدر ایس ایم ای بینک طاہر حسین کے استعفے اور نئے صدر کے تقرر کی منظوری دے دی۔

کابینہ کے اجلاس میں قومی اسمبلی میں پیش کرنے کے لیے اکنامک پالیسی اسٹیٹمنٹ، سابق نیول چیف ایڈمرل امجد خان نیازی کو غیر ملکی ایوارڈ وصول کرنے، پولیس کی تحویل میں شہبازشبیرپرتشدد پر انکوائری کمیشن کی تشکیل اورقومی کمیشن برائے خواتین کے ارکان کے تقرر کی منظوری بھی دی گئی۔