اسرائیل نے ایران کے میزائل منصوبے پر پابندیاں عائد کرنے کا مطالبہ کیا ہے۔

برطانوی خبر رساں ادارے کی خبر کے مطابق اسرائیل کی جنگی کابینہ کا اجلاس ہوا ہے، جس میں ایران کے میزائل منصوبے پر فوری پابندی عائد کرنے کا مطالبہ کیا گیا ہے۔

اسرائیلی جنگی کابینہ کے اجلاس میں یہ نہیں بتایا گیا کہ وہ کیا کرنے کا ارادہ رکھتا ہے، فوجی چیف آف اسٹاف نے کہا ہے کہ اس حملے کا جواب نہیں دیا جائے گا۔

تہران کا کہنا ہے کہ یہ حملہ یکم اپریل کو شام میں اس کے قونصل خانے پر اسرائیل کے مبینہ فضائی حملے کا بدلہ تھا، جس میں 13 افراد ہلاک ہوئے تھے۔

ہفتے کے روز ایران، عراق، شام اور یمن سے میزائل اور ڈرون داغے گئے جن میں سے زیادہ تر کو اسرائیل اور اس کے اتحادیوں نے مار گرایا۔

چھ ماہ قبل شروع ہونے والی اسرائیل اور غزہ کی جنگ کے بعد سے اسرائیل نے حماس کی مالی اعانت اور اسلحہ فراہم کرنے پر ایران کو نشانہ بنانا تیز کر دیا ہے۔

دریں اثنا غزہ میں اسرائیلی افواج نے پٹی کے شمال مشرق میں واقع ایک قصبے بیت حنون میں فوجی آپریشن شروع کر دیا ہے۔