اسلام آباد: صدر مملکت آصف علی زرداری سے ایئر ایشیا ایوی ایشن گروپ کے وفد کی ملاقات۔

صدر مملکت آصف علی زرداری سے ایئر ایشیا ایوی ایشن گروپ کے وفد نے ملاقات کی جس میں صدر مملکت نے دیگر ممالک کے ساتھ پاکستان کے فضائی روابط فروغ دینے کی ضرورت پر زور دیا۔

صدر مملکت نے کہا کہ عوامی روابط بڑھا کر پاکستان کے سیاحتی شعبے کی صلاحیت سے بھرپور استفادہ حاصل کیا جاسکتا ہے پاکستان ایک بڑی مارکیٹ ہے بالخصوص سیاحت اور مذہبی سیاحت کے وسیع امکانات موجود ہیں۔

آصف علی زرداری نے کہا کہ پاکستانی اسٹاک مارکیٹ میں سرمایہ کاری کے بہترین مواقع موجود ہیں، سرمایہ کار پاکستان اسٹاک ایکسچینج میں سرمایہ کاری کے مواقع سے مستفید ہوں۔

ملاقات کے دوران وفد نے صدر مملکت کو ایئر ایشیا ایوی ایشن گروپ اور اس کے فلائٹ آپریشنز کے بارے میں بتایا۔