صدر مملکت پاکستان آصف علی زرداری نے عید الفطر کے موقع پر قوم کو مبارکباد کا پیغام دیا ہے۔

تفصیلات کے مطابق صدر مملکت آصف علی زرداری نے عیدالفطر کے موقع پر قوم کے نام اپنے پیغام میں کہا کہ میں قوم اورامت مسلمہ کیلئے نیک خواہشات پیش کرتا ہوں۔

انہوں نے کہا کہ میں دعاگو ہوں کہ یہ دن ڈھیروں برکتیں،خوشیاں،امن وسلامتی لائے۔

صدر مملکت کا کہنا تھا کہ اللہ کا شکر ہے ہمیں رمضان کی سعادتیں اور خوشیاں نصیب ہوئی، عید خوشیاں بانٹنے اور معاشرے کے محروم طبقات کیلئے ایثاروقربانی کا دن ہے۔

انہوں نے کہا کہ غریبوں،یتیموں اورمحتاجوں کی مدد کریں اور انہیں عید کی خوشیوں میں شریک کریں، بحیثیت قوم رکاوٹیں دور کرنے اور ضرورت مندوں کی مدد کرنے کی ضرورت ہے۔

آصف علی زرداری نے کہا کہ اخوت اور باہمی اتحاد و یکجہتی سے سرشار ہو کر مضبوط قوم بننے کی کوشش کریں۔

صدر مملکت آصف علی زرداری نے اپنے پیغام میں مزید کہا کہ پوری پاکستانی قوم غزہ وفلسطین کےمظلوم عوام کےساتھ یکجہتی کا اظہار کرتی ہے، عالمی برادری غزہ میں فوری جنگ بندی اور امداد کی فراہمی کو یقینی بنائے۔