پیپلز پارٹی نے سینٹ انتخابات میں مسلم لیگ ن کے امیدواروں کی حمایت کرنے کا فیصلہ کر لیا ہے۔

تفصیلات کے مطابق پیپلز پارٹی کی سینٹ انتخابات کے لیے قائم کمیٹی کے ممبر ندیم افضل چن نے مسلم لیگ ن کے امیدواروں کی حمایت کا اعلان کر دیا ہے۔

ندیم افضل چن نے کہا کہ پیپلز پارٹی ٹیکنوکریٹ اور خواتین کی دو نشستوں سمیت اقلیتی نشست پر مسلم لیگ ن کے امیدوار کو سپورٹ کرے گی۔

انہوں نے کہا کہ خواتین کی مخصوص نشست پر پیپلز پارٹی کی امیدوار فائزہ ملک ریٹائرڈ تصور ہوں گی۔

ان کا کہنا تھا کہ سیاست میں کچھ بھی ممکن ہوسکتا یے لیکن فی الحال مسلم لیگ ن کے امیدواروں کی سپورٹ کر رہے ہیں۔

ندیم افضل چن نے مزید کہا کہ پیپلز پارٹی نے پنجاب میں کسی بھی وزارت کا مطالبہ نہیں کیا، فیصل واؤڈا کو جن کی سپورٹ حاصل ہے وہ آپ سب کو پتہ ہے۔