وزیراعظم کا ایک اور اختیار ختم ہوگیا
اسلام آباد: پروفیشنلزکی تعیناتیوں کی تلاش میں ہیڈ ہنٹنگ فرمز کی خدمات کے لیے وزیر اعظم کا اختیار ختم ہوگیا۔
ذرائع کے مطابق پروفیشنلزکی تعیناتیوں کی تلاش میں ہیڈ ہنٹنگ فرمز کی خدمات کے لیے وزیر اعظم کا اختیار ختم ہوگیا ہے جب کہ وزیراعظم کا اختیار اب وزیروں، مشیروں اور وزراء مملکت کےسپرد کردیا گیا ہے۔
ذرائع نے بتایا کہ تجاویز کی وفاقی کابینہ سے سرکولیشن کے ذریعے منظوری لی گئی جب کہ وزارتوں اور ڈویژنز کو ہیڈ ہنٹنگ فرم کی خدمات حاصل کرنے کا اختیار ہوگا۔
ذرائع کا کہنا ہے کہ متعلقہ وزیر، مشیر یا وزیر مملکت کی منظوری سے فرم کی خدمات لی جاسکے گی، ہیڈ ہنٹنگ فرم کی خدمات صرف مسابقتی عمل کے ذریعے حاصل کی جاسکیں گی۔
ذرائع نے یہ بھی بتایا کہ اس سے قبل ہیڈ ہنٹنگ فرم کی خدمات کے لیے وزیر اعظم کی منظوری ضروری تھی۔ ہیڈ ہنٹنگ فرم کے عمل میں اسٹیبلشمنٹ ڈویژن لیڈ کردار ادا کرے گی۔
حکومتی ذرائع کا مزید کہنا تھا کہ اسٹیبلشمنٹ ڈویژن ہیڈ ہنٹنگ فرم کے لیے کامن پول قائم کرے گی، مختلف وزارتوں اور ڈویژنز میں ماہرین اور پروفیشنلز تعینات کرنے کا پلان ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News