وفاقی وزیرداخلہ محسن نقوی کا کہنا ہے کہ کوئی پولیس یا فوج میں جاتا ہے تو اپنی مرضی سے جاتا ہے، یہ فورسز24 گھنٹے کام کرنے والی فورسز ہیں۔

وزیرداخلہ محسن نقوی نے کہا کہ پاسپورٹ آفس میں دورے پرایجنٹ مافیازاوررشوت کی شکایت ملیں، پاسپورٹ آفس کی پوری ٹیم کو تبدیل کردیا ہے، پاسپورٹ آفس میں مس مینجمنٹ اورتاخیر ہے۔

محسن نقوی نے کہا کہ پاسپورٹ ملنے میں کچھ ماہ سے تاخیر ہو رہی ہے، اسلام آبادکو ڈرگ فری اورتجاوزات سے پاک کریں گے، اسلام آباد کو سگنل فری کرنا ہے، ٹریفک کے مسائل حل کریں گے۔

وزیردخلہ نے کہا کہ سی ڈی اے میں 3سے4پروجیکٹس پر کام شروع کردیا ہے، 70سال سےزائد عمرکے لوگوں کو گھروں پر سہولت فراہم کریں گے، اسلام آباد میں 70سال سےزائد افراد کا گھروں پر لائسنس بنے گا۔

محسن نقوی کا مذید کہنا تھا کہ کالج، یونیورسٹیزکےطلباکو ہمارےآفسزآنےکی ضرورت نہیں، طلباکےلرنراور ڈرائیونگ لائسنس بھی بنائیں گے۔

یہ خبربھی پڑھیں؛  وفاقی وزیر داخلہ محسن نقوی نے پاسپورٹ آفس گارڈن ٹاؤن کا دورہ کیا جہاں شہریوں نے شکایات کے انبار لگا دیے۔