فن لینڈ کے ایک پرائمری اسکول میں فائرنگ سے متعدد افراد زخمی ہو گئے ہیں۔

تفصیلات کے مطابق فائرنگ کا واقعہ ہیلسنکی کے مضافاتی علاقے میں ایک اسکول میں پیش آیا جہاں تقریبا 800 طالب علم زیر تعلیم ہیں۔

ترجمان پولیس کا کہنا ہے کہ پرائمری اسکول میں فائرنگ کے نتیجے میں متعدد افراد زخمی ہو گئے ہیں اور بعد میں ایک مشتبہ شخص کو گرفتار کر لیا گیا ہے۔

پولیس نے علاقے کو گھیرے میں لے لیا ہے، جبکہ زخمیوں کو اسپتال پہنچایا جا رہا ہے۔

فائرنگ کا یہ واقعہ دارالحکومت ہیلسنکی کے مضافاتی علاقے ونتا کے ویرٹولا اسکول میں پیش آیا جہاں پہلی سے نویں جماعت تک کے تقریبا 800 طالب علم زیر تعلیم ہیں۔