سعودی وزیر خارجہ کی سربراہی میں اعلی سطح کا سعودی وفد آج سے پاکستان کا دو روزہ سرکاری دورہ کرے گا۔

تفصیلات کے مطابق سعودی وزیر خارجہ شہزادہ فیصل بن فرحان بن عبداللہ کی سربراہی میں اعلیٰ سطح کا ایک وفد دو روزہ دورے پر آج پاکستان پہنچے گا۔

اعلی سطح کے وفد میں سعودی وزیر برائے پانی و زراعت انجینئر عبدالرحمن عبدالمحسن الفادلی، وزیرصنعت اور معدنی وسائل، بندر ابراہیم الخورائف، سرمایہ کاری کے نائب وزیر، بدر البدر، سعودی خصوصی کمیٹی کے سربراہ، محمد مازید التویجری، اور وزارت توانائی اور سعودی فنڈ برائے عمومی سرمایہ کاری کے سینئر حکام شامل ہیں،

یہ دورہ بنیادی طور پر وزیر اعظم محمد شہباز شریف اور سعودی عرب کے ولی عہد شہزادہ محمد بن سلمان کے درمیان مکہ المکرمہ میں ہونے والی حالیہ ملاقات کے دوران دوطرفہ اقتصادی تعاون کو بڑھانے کے لیے طے پانے والے مفاہمت کو تیز کرنے کے لیے ہو رہا ہے۔

سعودی وفد کی صدر، وزیراعظم، وزیر خارجہ اور ہم منصب وزرا، چیف آف آرمی سٹاف،  ایس آئی ایف سی کی ایپکس کمیٹی سے ملاقاتیں متوقع ہیں۔

اس دورے کا مقصد دوطرفہ تعاون کو بڑھانے اور باہمی طور پر فائدہ مند اقتصادی شراکت داری کو مثبت تحریک دینا ہے۔