لاہور: بلاول بھٹو زرداری کے خلاف الیکشن کمیشن پنجاب میں درخواست جمع کرا دی گئی۔

بلاول بھٹو زرداری کے خلاف الیکشن کمیشن پنجاب میں درخواست جمع کرا دی گئی ہے جب کہ درخواست پاکستانی نژاد امریکی شہری سید اقتدار حیدر نے جمع کرائی ہے۔

بلاول بھٹو کے الیکشن کمیشن میں پارٹی نشان کے حوالے سے غلط کوائف جمع کرانے سے متعلق درخواست جمع کرائی گئی ہے۔

درخواست کے متن میں کہا گیا ہے کہ بلاول بھٹو زرداری نے حلف نامے کے ساتھ درست نامزدگی فارم جمع نہیں کروایا۔

درخواست گزار نے لکھا کہ پاکستان پیپلزپارٹی پارلیمنٹیرینز کے ساتھ بلاول بھٹو زرداری کی پارٹی وابستگی ظاہر کی گئی ہے جب کہ بلاول بھٹو زرداری پیپلز پارٹی تین پی کے چیئرمین ہیں۔

متن میں یہ بھی لکھا کہ بلاول بھٹو نے 4 پی کے نشان سے الیکشن لڑا جس کا انتخابی نشان تیر ہے، پیلز پارٹی تین پی کا انتخابی نشان تلوار ہے لیکن بلاول بھٹو نے تیر کے نشان سے الیکشن لڑا۔

درخواست گزار نے مزید لکھا کہ الیکشن کمیشن غلط کوائف جمع کروانے پر بلاول بھٹو کے خلاف قانونی کارروائی عمل میں لائے۔