وزیراعلیٰ پنجاب مریم نوازکی ہدایت پرڈرگ فری پنجاب کےلیےپولیس حرکت میں آ گئی۔

وزیراعلٰی کی ہدایت پر پنجاب پولیس کی جنب سے منشیات فروشوں کےخلاف انٹیلی جنس بیسڈآپریشنزجاری ہیں، سیکڑوں ملزمان گرفتارکر لیے گئے۔

ترجمان پنجاب پولیس کے مطابق لاہورسمیت منشیات فروشوں کےٹھکانوں پر297چھاپے مارے گئے۔ ۔منشیات کاروبارمیں ملوث 165 ملزمان کوگرفتارکرکے159مقدمات درج کیے گئے ہیں۔

ترجمان کا کہنا ہے کہ ملزمان سے94کلوچرس،432گرام آئس،1881لیٹرشراب برآمد ہوئی ہے۔ جاری مہم کےدوران منشیات فروشوں کے ٹھکانوں پر15962چھاپے مارے ہیں۔

پنجاب پولیس کے ترجمان کے مطابق منشیات فروشوں کےخلاف7623مقدمات درج ہیں،8097ملزمان گرفتارکیے گئے۔

آئی جی پنجاب نےمنشیات سپلائی چین کوجڑسےختم کرنےکاٹاسک دیتے ہوئے کہا کہ ماڈرن نشہ آور ڈرگز کے آن لائن کاروبار میں ملوث ملزمان کے خلاف ٹارگٹڈ آپریشنز میں تیزی لائی جائے۔

 ڈاکٹر عثمان انورنے ہدایت کی کہ نوجوان نسل کا مستقبل خراب کرنے والوں کو سخت سے سخت سزائیں دلوائی جائیں۔