ایف آئی اے امیگریشن نے فیصل آباد ائرپورٹ پرکارروائی کرتے ہوئے22 مارچ 2024 کشتی حادثے میں ملوث ایجنٹ کو گرفتار کرلیا۔

ایف آئی نے فیصل آباد ائرپورٹ پرلیبیا سے آنے والے 3 ملزمان کی شناخت پر ایجنٹ کو گرفتارکیا، ملزمان لیبیا سے ایمرجنسی پاسپورٹ (EP) پر پاکستان پہنچے تھے۔

گرفتار ملزمان میں ندیم عباس، محمد اویس اور ضیغم شامل ہیں۔

ایف آئی اے کے مطابق ملزم ندیم نے انکشاف کیا کہ محمد بلال نامی اسمگلرنے یونان براستہ لیبیا بھجوانے کے 25لاکھ روپے ہتھیائے،  ملزم کی نشاندہی پر محمد بلال سلمان نامی ایجنٹ کو فیصل آباد ائرپورٹ کی پارکنگ سے ہی گرفتار کرلیا گیا۔

مذکورہ ایجنٹ اسے ایئرپورٹ پر وصول کرنے آیا ہوا تھا۔ گرفتارایجنٹ کے فون میں انسانی اسمگلنگ اورہنڈی حوالہ سے متعلق مواد بھی برآمد کرلیا گیا۔