اینٹی کرپشن سرکل کراچی نے بڑی کارروائیاں کرتے ہوئے غیرقانونی کنکشنز منقطع کردیے۔

 بجلی چوری میں ملوث عناصر کے خلاف کریک ڈاون جاری ہے۔ اینٹی کرپشن سرکل کراچی نے بڑی کارروائیاں کرتے ہوئے غیر قانونی کنکشنز منقطع کر دیے۔

پیرآباد کے علاقے میں واقع گھر پر بجلی چوری کی جا رہی تھی، موٹرولا کے علاقے میں واقع موبائل شاپ پر بجلی کی چوری پکڑی گئی۔

ملزمان ڈائریکٹ لائن سے کنڈا لگا کر بجلی چوری کر رہے تھے۔ بجلی چوری سے قومی خزانے کو لاکھوں روپے کا نقصان پہنچ رہا تھا۔

کے الیکٹرک حکام نے موقع پرغیر قانونی کنکشنز منقطع کر دیے۔ غیر قانونی کنکشن میں استعمال ہونے والی کیبلز اور دیگر آلات کو قبضے میں لے لیا گیا۔

ملزمان کے خلاف انکوائریاں درج کر لی گئی۔ کے الیکٹرک حکام کی رپورٹ کی روشنی میں مزید قانونی کارروائی عمل میں لائی جائے گی۔

ترجمان ایف آئی اے کا کہنا ہے کہ بجلی چوری میں ملوث عناصر کے خلاف سخت کارروائیوں کا آغاز کر دیا گیا ہے۔ ملزمان کی گرفتاری کے لیے خصوصی چھاپہ مار ٹیمیں تشکیل دے دی گئی ہیں۔

ترجمان ایف آئی اے کے مطابق ملزمان کی گرفتاری کے لئے تمام تر وسائل بروئے کار لائے جا رہے ہیں۔