وزیراعلٰی بلوچستان کا کہنا ہے کہ جس نےبندوق اٹھائی اس سےسختی سےنمٹیں گے، معصوم افرادکے قاتل کسی رعایت کےمستحق نہیں۔

تفصیلات کے مطابق وزیراعلیٰ بلوچستان سرفرازبگٹی کی زیرصدارت صوبائی اپیکس کمیٹی کا16واں اجلاس منعقد ہوا جس میں امن وامان کی بہتری، اسمگلنگ کےخاتمے، غیرقانونی تارکین وطن کی واپسی سمیت اہم فیصلے کیے گئے۔

اجلاس میں کورکمانڈربلوچستان کورلیفٹیننٹ جنرل راحت نسیم ودیگراعلیٰ سول وعسکری حکام نے شرکت کی۔ اپیکس کمیٹی اجلاس میں سی پیک منصوبوں اورچائنیزکی فول پروف سیکیورٹی کاجائزہ لیا گیا۔

اجلاس میں سیکیورٹی کومؤثربنانےکےلیےمروجہ ایس اوپیزپرسختی سےعملدرآمد اورانسداداسمگلنگ کارروائیوں کو مؤثر وتیز کرنے کا فیصلہ کیا گیا اوراسمگلنگ کی روک تھام کےلیےبڑےپیمانےپرکارروائیاں شروع کرنےپراتفاق کیا گیا۔

ایپکس کمیٹی اجلاس میں چینی، کھاد، پٹرول، ڈیزل کی دوطرفہ اسمگنک روکنےکیلئےنتیجہ خیزاقدامات،بارڈرایریاسےنان کسٹم پیڈگاڑیوں کی پاکستان اسمگنگ کےتدارک کا بھی فیصلہ کیا گیا۔

اپیکس کمیٹی اجلاس کے اعلامیے کے مطابق بلوچستان سےواپس بھجوائےگئےغیرقانونی تارکین وطن کےاعدادوشمارپیش کیے گئے۔  وفاق کی گائیڈلائنز، فیصلےکےمطابق مزیدتارکین وطن کی واپسی شدہ ٹائم لائن سےمشروط کی گئی۔

وزیراعلٰی بلوچستان میرسرفرازبگٹی نے کہا کہ پرامن بلوچستان مستحکم پاکستان کاضامن ہے، دہشتگردی کےخلاف لڑائی فوج اور سرمچاروں کی نہیں ہم سب کی ہے، معصوم افرادکے قاتل کسی رعایت کےمستحق نہیں۔

انھوں نے مذید کہا کہ جس نےبندوق اٹھائی اس سےسختی سےنمٹیں گے، گڈگورننس کےثمرات5سے6ماہ میں عوام تک پہنچناشروع ہوجائیں گے۔