برطانوی وزیر اعظم رشی سوناک کا کہنا ہے کہ بالآخر غزہ میں بہت سی معصوم جانیں ضائع ہوئیں۔

بین الاقوامی خبررساں ادارے کے مطابق برطانوی وزیر اعظم رشی سوناک سے غزہ کی صورتحال پر سوال کیا گیا۔

برطانوی رکن پارلیمنٹ افضل خان نے کہا کہ اسرائیل فلسطینیوں کا قتل عام کر رہا ہے، سلامتی کونسل کی قرارداد بھی نظر انداز کر دی۔  وزیر اعظم ایوان کو بتائیں گے کہ اسرائیل کو کن نتائج کا سامنا کرنا  پڑے گا؟

برطانوی وزیر اعظم نے جواب میں کہا کہ غزہ میں بہت سی معصوم جانیں ضائع ہوئی ہیں۔

رشی سوناک نے اسرائیل کا دفاع کرتے ہوئے کہا کہ سلامتی کونسل کی قرارداد میں حماس کو بھی یرغمال افراد کو رہا کرنے کا کہا گیا تھا۔ حماس نے بھی سلامتی کونسل کی قرارداد کو رد کر دیا تھا۔