اسلام آباد: وفاقی کابینہ کا اجلاس کل طلب کرلیا گیا ہے جس میں 9 نکاتی ایجنڈا زیر غور آئے گا۔

وزیر اعظم کی زیر صدارت وفاقی کابینہ کا اجلاس کل بارہ بجے ہوگا جس میں وفاقی کابینہ 9 نکاتی ایجنڈا زیر غور آئے گا۔

اجلاس میں قومی ادارہ برائے ماڈرن سائنسز کا بل بھی زیر غور لایا جائے گا جب کہ سفیر منظور چودھری کو غیر ملکی ایوارڈ کی منظوری ایجنڈے کا حصہ ہے۔

علاوہ ازیں احتساب عدالتوں کی ری آرگنائزیشن بھی کابینہ ایجنڈے میں شامل ہے، وفاقی کابینہ فیڈرل ڈرگ انسپیکٹر کی تقرری کی منظوری دے گی۔

وزارت سمندر پار پاکستانیز اور وزارت قطر لیبر کے مابین مفاہمت کی یاد داشت کی منظوری دی جائے گی، وفاقی پبلک پرائیویٹ پارٹنر شپ کی 5 سالہ پالیسی بھی ایجنڈے کا حصہ ہے جب کہ کابینہ ای سی سی کے فیصلوں کی توثیق بھی کرے گی۔