بین الاقوامی مالیاتی فنڈ (آئی ایم ایف) نے پاکستانی معیشت میں بہتری کی پیش گوئی کردی۔

بین الاقوامی مالیاتی فنڈ نے ورلڈ اکنامک آؤٹ لک رپورٹ 2024 جاری کردی ہے جب کہ آئی ایم ایف نے پاکستانی معیشت میں بہتری کی پیش گوئی کی ہے۔

آئی ایم ایف کی رپورٹ کے مطابق اس سال معاشی شرح نمو 2 فیصد، اگلے سال 3.5 فیصد تک جانے کا امکان ہے جب کہ رواں سال مہنگائی 21 فیصد ہدف کے مقابلے 24.8 فیصد رہے گی۔

آئی ایم ایف کے کہنا ہے کہ اگلے مالی سال مہنگائی میں 12.1 فیصد کی نمایاں کمی متوقع ہے، رواں سال بے روزگاری 8 فیصد اور اگلے سال 7.5 فیصد رہنے کا امکان ہے۔