چیئرمین بلاول بھٹو زرداری کا کہنا ہے کہ پیپلزپارٹی نےتاریخ رقم کی،دوسری بارآصف زرداری صدر بنے۔

پاکستان پیپلزپارٹی کے چیئرمین بلاول بھٹو زرداری کا کہنا ہے کہ پاکستان معاشی مشکلات کا شکار ہے لیکن ہم پارلیمان میں ذاتی مسئلوں پرزیادہ توجہ دی جارہی ہے، ممبران کو ووٹ اس لیے پڑا کہ ذمہ داری سے کردار ادا کریں۔

بلاول بھٹو زرداری کا کہنا تھا کہ لاڑکانہ سے ہم نے تاریخی نتائج حاصل کیے، عوام چاہتے ہیں کہ ہم ان کو مشکلات سے نکالیں، عوامی مینڈیٹ کا احترام کرتے ہوئے حکومت کا ساتھ دینےکا فیصلہ کیا لیکن سیاستدانوں کواپنے دائرے میں رہ کر کام کرناہوگا،بلاول بھٹو

سابق وزیر خارجہ نے کہا کہ عدالتی اصلاحات پر کام کرکےعام آدمی کوانصاف دلاناہے، پیپلزپارٹی نےتاریخ رقم کی،دوسری بارآصف زرداری صدربنے، عدالت نے تسلیم کیا ذوالفقار بھٹوکو انصاف نہیں ملا جب کہ 14 اپریل کوگڑھی خدابخش میں قائد عوام کی برسی منائیں گے۔