حکومتی وفد پاک افغان بارڈر چمن پہنچ گیا۔ وفد کی قیادت وزیرداخلہ بلوچستان اوراسپیکرعبدالخالق اچکزئی نےکی۔

چمن میں ڈپٹی کمشنرچمن راجہ اطہرعباس سمیت دیگرافسران نے وفدکا استقبال کیا۔ وفدپاک افغان بارڈرچمن کی صورتحال کاجائزہ لینے پہنچا۔

وزیراعلیٰ بلوچستان نےمعاملہ بات چیت سے حل کرنے کی ہدایت کی تھی۔ حکومتی وفد اورچمن کے قبائلی، سیاسی، مذہبی اورسماجی رہنماؤں کا جرگہ جاری ہے۔ چیمبرزآف کامرس، تاجران سول سوسائٹی سمیت تمام اسٹیک ہولڈرزبھی موجود ہیں۔

جرگہ ڈپٹی کمشنرکمپلیکس میں کیا جارہا ہے۔ جرگے میں چمن بارڈر، احتجاج اورسیکیورٹی سے متعلق صورتحال پرغورجاری ہے۔

قبائلی عمائدین نے چمن صورتحال سے متعلق حکومتی وفد کو آگاہ کیا۔ حکومتی وفد نے کہا کہ ہم سب نے ملکر اس مسلئے کا حل نکالنا ہوگا، آج وزیراعلیٰ کی زیرصدارت چمن بارڈرمعاملے پراجلاس بھی ہوا۔

حکومتی وفد نے کہا کہ تمام سیاسی جماعتوں کواعتماد میں لینے کے لئے یہاں آئے ہیں، بات چیت سے معاملات کا حل تلاش کرنے کے خواہاں ہیں۔