ترجمان  دفتر خارجہ ممتاز زہرا بلوچ نے کہا ہے کہ بشکیک میں پاکستانی طلباء کی حفاظت اولین ترجیح ہے۔

تفصیلات کے مطابق ترجمان دفتر خارجہ کا کہنا ہے کہ کرغزستان میں مقامی اور غیرملکی طلباء کے درمیان جھگڑے کے بعد پیدا ہونے والی صورتحال میں پاکستانی طلباء سے متعلق کرغز حکام سے رابطے میں ہیں۔

ترجمان دفتر خارجہ کا کہنا ہے کہ مقامی اور غیر ملکی طلباء کے درمیان جھگڑے کے بعد کی صورتحال میں پاکستانی طلباء سے متعلق کرغز حکام سے رابطے میں ہیں۔

ممتاز زہرا بلوچ  نے کہا کہ پاکستانی سفیر اور ہماری ٹیم کے لیے پاکستانیوں کی حفاظت انتہائی اہمیت کی حامل ہے۔

سوشل میڈیا ویب سائٹ ایکس (سابقہ ٹوئیٹر) پر کرغزستان میں تعینات پاکستانی سفیر نے پاکستانی طلباء  کو مشورہ دیا ہے کہ حالات معمول پر آنے تک طلبہ گھروں  میں رہیں۔

اپنی پوسٹ میں ان کا کہنا تھا کہ مقامی قانون نافذ کرنے والے اداروں سے رابطے میں ہیں اور پاکستانی طلباء کی حفاظت یقینی بنانے کے لیے اقدامات کر رہے ہیں۔