پیٹرولیم مصنوعات کی قیمتوں میں کمی سے مہنگائی سے پریشان عوام کے چہرے خوشی سے کھل اٹھے ہیں۔

تفصیلات کے مطابق وزیر اعظم شہباز شریف نے پیٹرولیم مصنوعات میں کمی منظوری دے دی ہے، جس کی وجہ مہنگائی سے پریشان عوام کو راحت کی سانس ملے گی۔

وزیر اعظم کی منظور کردہ سمری کے مطابق پیٹرولیم مصنوعات میں کمی آئندہ 15 روز کے لیے ہے۔

ذرائع کا کہنا ہے کہ پیڑولیم مصنوعات میں کمی کی سمری کے مطابق پیٹرول 5 روپے 45 پیسے فی لیٹر اور ڈیزل 8 روپے 42 پیسے سستا ہو گیا ہے۔

علاوہ ازیں لائٹ ڈیزل کی قیمت میں 5 روپے 63 پیسے فی لیٹر اور مٹی کا تیل کی قیمت بھی 8 روپے 74 پیسے فی لیٹر کم کرنے کی منظوری دی گئی ہے۔

پیٹرولیم مصنوعات میں کمی کی سمری وزارت خزانہ کی جانب سے جاری ہوئی ہے جس کے مطابق نئی قیمتوں کا اطلاق یکم مئی سے ہو گا۔