ایران کے سرکاری میڈیا نے ایرانی صدر کے ہیلی کاپٹر کے مبینہ حادثے کو بیان کرنے کے لیے ‘ہارڈ لینڈنگ’ کا لفظ استعمال کیا ہے۔

ہوابازی میں ہارڈ لینڈنگ کے معنی کیا ہیں اور یہ اصطلاح کیوں استعمال ہوتی ہے آیئے اس کے بارے میں جانتے ہیں۔

ہارڈ لینڈنگ ایک ایسا فقرہ ہے جو اکثر روس میں حکام کی طرف سے طیارہ حادثے کے واقعات کو بیان کرنے کے لئے استعمال کیا جاتا ہے۔

یہ عام طور پر روسی وزارت دفاع کی طرف سے فوجی طیاروں کے ساتھ واقعات کی اطلاع دیتے وقت استعمال کیا جاتا ہے، تاکہ واقعہ کی سنگینی کو کم رکھا جائے اور لوگوں میں خوف و ہراس نہ پھیلے۔

مثال کے طور پر جون 2022 میں ایک آئی ایل-76 فوجی کارگو طیارہ روس کے علاقے ریازان میں گر کر تباہ ہو گیا تھا جس میں سوار پانچ فوجی اہلکار ہلاک ہو گئے تھے۔ روسی فوج نے ابتدائی طور پر اس واقعے کو ہارڈ لینڈنگ قرار دیا تھا، اس حقیقت کے باوجود کہ طیارہ حادثے میں تقریبا مکمل طور پر تباہ ہو گیا تھا۔

تجزیہ کاروں کا کہنا ہے کہ روسی حکام ‘کریش’ کے لفظ سے اجتناب کرتے ہیں کیونکہ انہیں خدشہ ہے کہ اس سے افراتفری یا خوف و ہراس پھیل سکتا ہے۔