آڈیو لیکس کیس میں جسٹس بابرستار نے چیف جسٹس اسلام آباد ہائی کورٹ جسٹس عامرفاروق کو خط لکھ دیا۔

اسلام آباد ہائیکورٹ کے جسٹس بابر ستار نے چیف جسٹس عامر فاروق کو لکھے گئے خط میں مداخلت کی نشاندہی کردی۔ انھوں نے انکشاف کیا کہ آڈیو لیکس کیس میں مجھے پہ پیغام دیا گیا پیچھے ہٹ جاؤ۔  میں نے اس پرکوئی توجہ نہیں دی۔ میں نے یہ نہیں سمجھا کہ اس طرح کے پیغامات سے انصاف کے عمل کو کافی نقصان پہنچنے کا خطرہ ہے۔

جسٹس بابرستارکے خط کے متن کے مطابق پی ٹی اے سے متعلقہ مقدمات بارے بدنیتی پر مبنی مہم کا فوکس عدالتی کارروائی کو متاثر کرنے کے لیے ایک دھمکی آمیز حربہ معلوم ہوتا ہے، آڈیو لیکس کیس میں خفیہ اور تحقیقاتی اداروں کو عدالت نے نوٹس کیے۔

چیف جسٹس اسلام آباد ہائی کورٹ کو لکگے گئے خط میں کہا گیا کہ عدالت نے ریگولیٹری باڈیز پی ٹی اے ، پیمرا کو بھی نوٹس کئے تھے۔

اٹارنی جنرل پاکستان منصورعثمان نے کہا کہ عدلیہ میں مُداخلت کے اس تاثر کی پُرزورنفی کرتا ہوں، حکومت یا کوئی اور ریاستی ادارہ عدلیہ کے معاملات میں مداخلت نہیں کر سکتا۔