وفاقی وزیرخزانہ محمد اورنگزیب کی اٹلی کی سفیرسےملاقات ہوئی۔ ملاقات میں پاکستان اوراٹلی کے درمیان تعاون اوردیرینہ تعلقات پر تبادلہ خیال کیا گیا۔ 

وزیرخزانہ نے سفیرکو پاکستان کے معاشی منظرنامے کے بارے میں بتایا، کہا کہ کرنٹ اکاؤنٹ خسارے میں کمی، ملکی کرنسی مستحکم ہوئی ہے، پاکستان کی اسٹاک مارکیٹ بلند ترین سطح پرپہنچی ہے۔ آئی ایم ایف کےساتھ9ماہ کےپروگرام کی تکمیل پربھی تبادلہ خیال کیاگیا۔

محمد اورنگزیب نے کہا کہ ہم آئی ایم ایف کے ساتھ طویل مدتی پروگرام کیلئے مصروف ہیں۔

اعلامیے میں کہا گیا کہ وزیرخزانہ نے حکومت کےاسٹریٹجک اقدامات کابھی خاکہ پیش کیا، انھوں نے کہا کہ اسٹریٹجک اقدامات کا مقصد ٹیکس کی بنیاد کووسیع کرنا ہے، جن شعبوں پر پہلے ٹیکس نہیں لگایا گیا ان پرفوکس کررہے ہیں۔

ملاقات میں وزیرخزانہ نے پی آئی اے سمیت ایس اوایزکی نجکاری پرحکومتی عزم کا اعادہ کیا۔

اعلامیے میں کہا گیا کہ وزیرخزانہ نے ملکی اقتصادی حکمت عملی میں حکومت کی پالیسی کاحوالہ دیا، کہا کہ پالیسی امداد سےسرمایہ کاری کی طرف تبدیلی کی عکاسی کرتی ہے۔

ملاقات کے دوران وزیرخزانہ نےمختلف شعبوں میں پاکستان کی صلاحیتوں پرروشنی ڈالی اور انھوں نے اٹلی کےسرمایہ کاروں کوپاکستان میں سرمایہ کاری کی دعوت دی۔

اعلامیے کے مطابق اٹلی کی سفیرنے پاکستان کی معیشت میں اضافے کے رجحان کوسراہا، سفیرنے اٹلی اورپاکستان کےدرمیان مختلف شعبوں میں تعاون بڑھانےپرزور دیا۔