اسلام آباد میں وزیرخزانہ محمد اورنگزیب سے فرانس کےسفیرکی ملاقات کا اعلامیہ جاری کردیا گیا۔

اعلامیے میں کہا گیا کہ  وزیر خزانہ محمداورنگزیب نے فرانسیسی سفیرکا خیرمقدم کیا، فریقین نے ملاقات میں باہمی دلچپسی کے امورپرتبادلہ خیال کیا۔

ملاقات کے دوران دوطرفہ تعلقات کومزید مضبوط بنانے پربھی تبادلہ خیال کیا گیا۔ وزیرخزانہ نے جی ایس پی پلس اسٹیٹس پرفرانس کی حمایت کا شکریہ ادا کیا۔ وزیرخزانہ نےسفیرکومعاشی استحکام کی حکومتی کوششوں سےآگاہ کیا۔

اعلامیے کے مطابق محمد اورنگزیب نے کہا کہ زرعی پیداوارمیں قابل ذکراضافہ، ملکی کرنسی مستحکم ہوئی، زرمبادلہ کے ذخائر 9 ارب ڈالرتک پہنچے، مہنگائی کم ہوئی۔

اعلامیے میں کہا گیا کہ وزیرخزانہ نےآئی ایم ایف پروگرام کےاختتام کے بارےمیں بھی آگاہ کیا۔ وزیرخزانہ نےسفیرکوکی جانےوالی اصلاحات سےبھی آگاہ کیا۔

وفاقی وزیرخزانہ نے کہا کہ اصلاحات میں نجکاری اورایس اوایزریفارمزشامل ہیں، ایف بی آرڈیجیٹائزیشن، ایکسپورٹ لیڈ گروتھ بھی شامل ہیں۔

اعلامیے کے مطابق وزیرخزانہ نے سرمایہ کاری میں ایس آئی ایف سی کے کردارپرزوردیا۔ فرانسیسی سفیرنےمزید تعاون کےامکانات پراعتماد کا اظہارکیا۔

وزیرخزانہ سےپاکستان ڈیری ایسوسی ایشن کےوفدکی ملاقات

دوسری جانب اسلام آباد میں وزیرخزانہ سے پاکستان ڈیری ایسوسی ایشن کے وفد نے ملاقات کی۔ ملاقات کے دوران انھوں نے کہا کہ معاشی ترقی کوفروغ دینے میں ڈیری انڈسٹری کا کرداراہم ہے، کاروبارکی ترقی کےلیےسازگارماحول فراہم کریں گے۔

وفاقی وزیرخزانہ نے کہا کہ ڈیری کا شعبہ برآمدات میں اضافے کے بڑے مواقع پیش کرتا ہے، ڈیری شعبہ کی پیداواربڑھانے کے اقدامات شروع کیے جائیں۔

وفد نے ڈیری برآمدات کےلیے سازگارماحول پیدا کرنےکی اہمیت پرزوردیا، ڈیری وفد نے کہا کہ حکومت ڈیری برآمدات کوٹیکس سے مستثنیٰ کرنے پرغورکرے، ٹیکس سےاستثنیٰ پرشعبےمیں مزیدتوسیع کی ترغیب دی جاسکےگی۔

وزیرخزانہ نے متعلقہ حکام کومیرٹ پروفد کی تجویزپیش کرنےکی ہدایت کی۔