قومی ہاکی ٹیم کے  کپتان عماد شکیل بٹ کا کہنا ہے کہ قوم کی دعاؤں کی وجہ سے اذلان شاہ کپ کے فائنل تک پہنچے ہیں۔

تفصیلات کے مطابق ہاکی ٹیم کے  کپتان عماد شکیل بٹ نے کہا کہ کھلاڑیوں نے اچھا کھیلتے ہوئے ثابت کیا کہ پاکستان میں ہاکی زندہ ہے۔

عماد شکیل بٹ کا کہنا تھا کہ اچھی کارکردگی کا کریڈٹ کوچ اور کھلاڑیوں کو جاتا ہے۔

انہوں نے مزید کہا کہ ڈچ کوچ کے کام کرنے کا طریقہ ہمارے کوچز سے تھوڑا مختلف ہوتا ہے۔ ڈچ کوچ کے فارمیٹ مختلف ہوتے ہیں، وہ جانتے ہیں کھلاڑیوں کو کیسے لے کر چلنا ہے۔

قومی ہاکی ٹیم کے کپتان کا کہنا تھا کہ آج نیوزی لینڈ کے خلاف کھیلنے جارہے ہیں، یہ بالکل مختلف گیم ہوگی۔کل ہم جاپان کے خلاف فائنل کی تیاری کریں گے۔