میکسیکو میں انتخابی ریلی کے دوران اسٹیج گرنے سے کم از کم 9 افراد ہلاک، جبکہ 63 افراد زخمی ہو گئے ہیں۔

میکسیکو کی شمالی ریاست نیوو لیون میں بدھ کی شام ایک انتخابی ریلی کے دوران تیز ہواؤں کے جھونکوں نے اسٹیج کو الٹ دیا جس کے نتیجے میں ایک بچے سمیت کم از کم نو افراد ہلاک اور 63 زخمی ہو گئے۔

یہ حادثہ ایک تقریب کے دوران پیش آیا جس میں صدارتی امیدوار جارج الواریز مینیز نے شرکت کی۔

سوشل میڈیا پر اسٹیج کے گرنے کی ویڈیوز میں لوگوں کو چیختے، بھاگتے اور نیچے سے باہر نکلتے ہوئے دیکھا جا سکتا ہے۔

صدارتی امیدوار جارج الواریز مینیز نے صحافیوں کو بتایا کہ متاثرین اس سانحے میں اکیلے نہیں ہوں گے، انہوں نے مزید کہا کہ انہوں نے آئندہ انتخابی مہم کے پروگراموں کو معطل کر دیا ہے۔

اس کے بعد فوجی، پولیس اور دیگر اہلکار پارک کے میدان میں گھومتے رہے جہاں یہ واقعہ پیش آیا تھا جبکہ آس پاس کے بہت سے لوگ اس سانحے سے دنگ رہ گئے تھے۔

میکسیکو کے صدر آندرے مینوئل لوپیز اوبراڈور کا کہنا ہے کہ وہ متاثرین کے اہل خانہ، دوستوں اور سیاسی حامیوں کو گلے لگاتے ہیں۔ میکسیکو بھر سے تعزیت کا سلسلہ جاری ہے جن میں دیگر صدارتی امیدوار بھی شامل ہیں۔

نیووو لیون کے گورنر سیموئل گارسیا نے ایک ویڈیو پیغام میں مکینوں سے کہا ہے کہ وہ اگلے دو گھنٹوں تک اپنے گھروں میں پناہ لیں۔