پی ٹی آئی رہنما اور سابق وزیر اعلیٰ پنجاب چوہدری پرویز الہیٰ جیل سے رہا ہونے کے بعد ظہور پیلس پہنچ گئے۔

پنجاب بھرتی کیس میں قید چوہدری پرویز الہیٰ کو آج لاہور ہائی کورٹ نے ضمانت پر رہا کرنے کا حکم دیا تھا، وہ کوٹ لکھپت جیل میں قید تھے۔

چوہدری پرویز الہیٰ کی درخواست ضمانت لاہور ہائی کورٹ کے جسٹس سلطان تنویر نے محفوظ فیصلہ سناتے ہوئے منظور کی۔

پرویز الہیٰ کے وکلاء کا کہنا تھا کہ پنجاب بھرتی کیس سے چوہدری پرویز الہیٰ کا کوئی تعلق نہیں تھا یہ مقدمہ 2 سال کی تاخیر سے اینٹی کرپشن حکام نے درج کیا تھا۔

پی ٹی آئی رہنما پرویز الہیٰ کے خلاف آئی جی پنجاب نے جسٹس امجد رفیق کے حکم پر ان کے خلاف درج مقدمات کی تفصیلات عدالت میں جمع کرا دی ہیں۔