چیئرمین پی سی بی محسن نقوی نے سلیکشن کمیٹی کو ابھی ٹیم کا اعلان نہ کرنے کی ہدایت کردی۔

ذرائع کے مطابق چیئرمین پی سی بی محسن نقوی نے سلیکشن کے عمل پر ناراضی کا اظہار کرتے ہوئے سلیکشن کمیٹی کو ابھی ٹیم کا اعلان نہ کرنے کی ہدایت کردی ہے۔

ذرائع کا کہنا ہے کہ محسن نقوی نے سلیکشن کمیٹی کو ہدایت کی کہ سلیکشن کا عمل مکمل کریں پھر ٹیم کا اعلان کریں جب کہ چیئرمین پی سی بی نے کھلاڑیوں کے ناموں پر اعتراص نہیں اٹھایا۔

ذرائع نے بتایا کہ باقاعدہ میٹنگز نہ ہونے پر چیئرمین پی سی بی نے ناراضگی کو اظہار کیا جب کہ محسن نقوی نے خط کے ذریعے سلیکشن کمیٹی سے جواب طلبی بھی کرلی۔

ذرائع کا کہنا تھا کہ سلیکشن کمیٹی کے اجلاس کی میٹنگ کے منٹ آف منٹنگ چیئرمین پی سی بی کو نہیں بھیجے گئے تھے جس پر سلیکشن کمیٹی ہدایت کی کہ سلیکشن کا عمل مکمل کریں اور مجھے رپورٹ کریں۔

محسن نقوی نے سلیکشن کمیٹی کو حکم دیا کہ سلیکشن کا عمل جلدی مکمل کریں اور شام تک مجھے فائنل رپورٹ دیں، سلیکشن کمیٹی میں شامل ہر فرد کی رائے لینا لازمی ہے جب کہ چیئرمین پی سی بی پوری سلیکشن کمیٹی کی مشاورت چاہتے ہیں۔

ذرائع نے مزید بتایا کہ سلیکشن کمیٹی کے تمام ارکان انگلینڈ میں موجود نہیں جب کہ 15 رکنی فائنل اسکواڈ میں سے دو کھلاڑیوں کے نام پر سلیکشن کمیٹی میں اعتراضات سامنے آئے ہیں۔

واضح رہے کہ ٹی ٹوئنٹی ورلڈ کپ کا اسکواڈ جمع کرانے کی آج آخری تاریخ ہے، 20 ممالک میں سے پاکستان واحد ملک ہے جس نے ابھی تک 15 رکنی اسکواڈ کا اعلان نہیں کیا ہے۔