کراچی: صدر مملکت آصف علی زرداری نے امن و امان سے متعلق اعلیٰ سطح کا اجلاس طلب کرلیا۔

ذرائع کے مطابق صدر مملکت آصف علی زرداری نے امن وامان سے متعلق اعلیٰ سطح کا اجلاس طلب کرلیا ہے جس میں وفاقی وزیر داخلہ محسن نقوی بھی شرکت کریں گے۔

ذرائع نے بتایا کہ وزیراعلیٰ سندھ اور آئی جی سمیت انٹیلی جنس حکام بھی شرکت کریں گے، امن و امان سے متعلق اجلاس بلاول ہاؤس میں شام 4 بجے ہوگا۔

ذرائع کا کہنا ہے کہ اجلاس میں کچے میں ٹارگٹڈ آپریشن کے حوالے اہم فیصلے متوقع ہیں جب کہ آصف علی زرداری کو مجموعی صورت حال پر بریفنگ دی جائےگی۔

علاوہ ازیں صدر آصف علی زرداری سندھ کابینہ کے ارکان سے بھی ملاقات کریں گے۔