حکومت کا نئے مالی سال کے بجٹ میں ٹیکس ہدف میں اضافے پر غور
حکومت کی جانب سے نئے مالی سال کے بجٹ میں ٹیکس ہدف میں اضافے پر غور کیا جارہا ہے۔
ذرائع کے مطابق نئے مالی سال میں ایف بی آر ٹیکس وصولیوں کا ہدف 12 ہزار ارب روپے تک رکھے جانے کا امکان ہے اور مالی سال 2024-25 میں ڈائریکٹ ٹیکسز کے ذریعے 5 ہزار ارب کے محصولات اکھٹے کرنے کا منصوبہ ہے۔
ذرائع نے بتایا ہے کہ فیڈرل ایکسائز ڈیوٹی کی مد میں 700 ارب روپے کے ٹیکس کا ہدف مقرر کئے جانے کا امکان ہے اور سیلز ٹیکس کی مد 4200 ارب روپے سے زیادہ کا ٹیکس ہدف رکھنے کا امکان ہے۔
اس کے علاوہ کسٹمز ڈیوٹیز کے ذریعے نئے مالی سال میں 1500 ارب روپے کا ٹیکس اکھٹا کرنے پر غور کیا جارہا ہے جب کہ پٹرولیم لیوی کے ذریعے اگلے مالی سال 1100 ارب روپے کی وصولی کا ہدف رکھے جانے کا امکان ہے اور نان ٹیکس آمدنی کا ہدف 2100 ارب روپے سے زیادہ رکھے جانے کا امکان ظاہر کیا جارہا ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News