حکومتی اتحاد میں شامل جماعتوں کے اراکین کی ناراضی کے دباؤ کے پیشِ نظروزیراعلیٰ بلوچستان نے 11 اراکین اسمبلی کوپارلیمانی سیکریٹری مقررکردیا۔

پارلیمانی سیکریٹریزمیں سے10 کا تعلق مسلم لیگ ن اورپیپلزپارٹی سے ہے۔ مسلم لیگ ن کےسردارمسعودلونی پارلیمانی سیکریٹری برائے جنگلات مقررکر دیے گئے۔

وزیراعلٰی بلوچستان کی جانب سے جاری کردہ نوٹیفکیشن میں کہا گیا کہ برکت علی پارلیمانی سیکریٹری ماہی گیری وساحلی ترقی مقرر جبکہ پی پی کے اسفند یارکاکڑ پارلیمانی سیکریٹری اربن پلاننگ اینڈڈویلپمنٹ مقرر کیے گئے۔

نوٹیفکیشن کے مطابق مینہ بلوچ بین الصوبائی رابطےکی پارلیمانی سیکریٹری مقرر جبکہ پیپلزپارٹی کے لیاقت لہڑی پارلیمانی سیکریٹری ایس اینڈ جی اے ڈی مقررکیے گئے۔

عبیداللہ گورگیج پراسیکیوشن کےپارلیمانی سیکریٹری بنا دیےگئے، پیپلزپارٹی کے صمد گورگیج پارلیمانی سیکریٹری قانون وپارلیمانی امورمقررکیے گئے۔

وزیراعلٰی بلوچستان سرفراز بگٹی نے اصغررندکومحکمہ توانائی کا پارلیمانی سیکرٹری، ن لیگ کے محمدخان لہڑی پارلیمانی سیکریٹری ایکسائزاینڈٹیکسیشن، جماعت اسلامی کےعبدالمجید بادینی ٹرانسپورٹ کے پارلیمانی سیکریٹری اوراقلیتی رکن سنجے کمارکو اقلیتی امورکا پارلیمانی سیکریٹری مقررکرنے کا نوٹیفکیشن جاری کیا۔