نائب وزیر اعظم اسحاق ڈار 13 سے 16 مئی تک بیجنگ کا دورہ کریں گے۔

ترجمان دفتر خارجہ کی جانب سے جاری کردہ بیان کے مطابق   نائب وزیر اعظم اسحاق ڈار   پاک چین وزرائے خارجہ اسٹریٹجک ڈائیلاگ کے پانچویں سیشن میں شرکت کریں گے۔

نائب وزیر اعظم اسحاق ڈار بیجنگ میں پاک چین وزرائے خارجہ اسٹریٹجک ڈائیلاگ کے پانچویں سیشن کی مشترکہ صدارت کریں گے۔

پاکستان اور چین دو طرفہ تعلقات بشمول معیشت، تجارت، سی پیک اور مستقبل کی منصوبوں پر غور کریں گے۔

اسٹریٹجک ڈائیلاگ کی سائیڈ لائنز پر نائب وزیر اعظم چینی قیادت، سینئر وزرا اور نمایاں کاروباری شخصیات سے ملاقاتیں بھی  کریں گے۔

نائب وزیر اعظم کا دورہ چین پاکستان اور چین کے درمیان باقاعدگی سے اعلیٰ سطح پر ہونے والے رابطوں کا حصہ ہے۔

ترجمان دفتر خارجہ کا کہنا ہے نائب وزیر اعظم  کے دورے سے پاکستان اور چین کی موسموں سے بے نیاز اسٹریٹجک شراکت داری کی گہرائی ظاہر ہوتی ہے۔

ترجمان دفتر خارجہ نے مزید کہا کہ  پاکستان تجارت و معیشت بشمول سی پیک اور علاقائی امن اور ترقی کے لیے چین کے ساتھ تعاون کا اعاد ہ کرتا ہے۔