وزیراعظم شہباز شریف کی آئر لینڈ کے وزیراعظم سائمن ہیرس کے ساتھ ٹیلی فونک رابطہ ہوا۔

وزیراعظم شہباز شریف نے نے آئرلینڈ کے نومنتخب وزیراعظم  سائمن ہیرس کوعہدہ سنبھالنے پر مبارکباد دی۔ وزیراعظم نےفلسطین کی ریاست کوتسلیم کرنےکےآئرش حکومت کےفیصلےکوسراہا۔

وزیر اعظم شہباز شریف نے آئرش وزیر اعظم کو کہا کہ آئرلینڈ کا فیصلہ فلسطینیوں کے لیے امید اور یکجہتی کا پیغام دے گا۔

وزیر اعظم نے کہا کہ معصوم فلسطینی اسرائیل کے وحشیانہ مظالم کا شکار ہیں، آئرلینڈ کا فیصلہ فلسطین کاز کو فروغ دینے میں بھی کردار ادا کرے گا۔

وزیر اعظم نے آئرش وزیر اعظم کو کہا کہ فیصلہ دوسرے ممالک پر بھی ایسے فیصلے لینے کے لئے دباؤ کا باعث بنے گا، پاکستان نے ہمیشہ یواین قراردادوں کے مطابق دو ریاستی حل کی حمایت کی ہے اور دو ریاستی حل مشرق وسطیٰ میں دیرپا امن لانے کا واحد راستہ ہو گا۔

آئرلینڈ کے وزیر اعظم سائمن ہیرس نے وزیر اعظم شہباز شریف کو بتایا کہ آئرش حکومت نے دیگر یورپی اتحادیوں کی مشاورت سے اصولی فیصلہ کیا ہے، غزہ میں اسرائیلی کارروائی کو کسی بھی طرح معاف نہیں کیا جا سکتا۔

آئرش وزیر اعظم سائمن ہیرس نے مزید کہا کہ محسوس کیا یہ فیصلہ نارملائزیشن کو فروغ دینے کے لیے ضروری ہے۔

وزیراعظم شہبازشریف نے آئرش وزیراعظم سائمن ہیرس کو دورہ پاکستان کی دعوت دی۔