آئی جی اسلام آباد کا کہنا کہ نو مئی کو مجھے شہادت بھی نصیب ہوتی تو بھی میرے لیے بڑادن ہوتا، شرپسند ایک پولیس افسرکی آنکھ لے لیں گے تو کیا جذبہ ختم کردیں گے؟

سانحہ 9مئی کو ایک سال ہوگیا۔ اسلام آباد میں وزارت اطلاعات کے زیراہتمام شہدا اورانکے خاندانوں سے اظہاریکجہتی کی تقریب سے خطاب کرتے ہوئے آئی جی اسلام آباد علی ناصر رضوی نے کہا کہ شہداکے اہلخانہ کو سلام ہے جن کی وجہ سے ہم ہیں۔ شہدا کے لواحقین کو سلام پیش کرتے ہیں۔

آئی جی اسلام آباد نے کہا کہ 9 مئی 2023 کا دن میں بھول نہیں سکتا، شرپسند ایک پولیس افسرکی آنکھ لے لیں گے تو کیا جذبہ ختم کردیں گے؟ 9 مئی مجھے شہادت بھی نصیب ہوتی تو بھی میرےلیے بڑادن ہوتا۔

علی ناصررضوی نے کہا کہ 9 مئی کے دن نے مجھے غازی بنایا، ہمارے سرآج کے دن فخرسے بلنداورشرپسندوں کے سر نیچے ہیں، 7،8 ہزارشرپسندوں نے حملہ کیا، 92 پولیس آفیسرز نے کہا عہد کی لاج رکھیں گے۔

آئی جی اسلام آبادنے تقریب سے خطاب میں مذید کہا کہ پولیس اہلکاروں نے کہا شرپسندوں کو گھروں میں گھسنے نہیں دیں گے،  شرپسند عناصر کے آگے کبھی نہیں جھکیں گے، شرپسندوں کے دیے ہوئے زخم کبھی نہیں بھولیں گے۔

اسلام آباد میں وزارت اطلاعات کے زیراہتمام شہدا اورانکے خاندانوں سے اظہاریکجہتی کی تقریب میں وزیراعظم شہبازشریف بھی شریک تھے۔

وزیر اعظم نے شہدا کے اہلخانہ کا نشست سے کھڑے ہوکر استقبال کیا۔