ہیلی کاپٹر حادثے میں اپنے رفقا کے ساتھ جاں بحق ہونے والے ایرانی صدر کی مہشد میں تدفین کر دی گئی، تدفین میں لاکھوں افراد نے شرکت کی۔

ایران کے مرحوم صدر ابراہیم رئیسی اتوار کے روز ہیلی کاپٹر حادثے میں دیگر 8 ساتھیوں کے ہمراہ جاں بحق ہو گئے تھے، جن کو آج مشہد میں امام رضا کے روضے کے احاطے میں سپرد خاک کر دیا گیا۔

تدفین کے موقع پر مشہد میں لاکھوں شہری جمع تھے جو مرحوم صدر ابراہیم رئیسی کے جنازے کے ساتھ ساتھ چلتے رہے، شہریوں نے مرحوم صدر کو انتہائی جذباتی انداز میں الوداع کیا۔

ایرانی صدر مرحوم ابراہیم رئیسی کو امام رضا کے روضے کے احاطے میں سرکاری اعزاز کے ساتھ سپرد خاک کیا گیا، اس موقع پر رقت آمیز مناظر دیکھنے میں آئے۔

ایرانی صدر کی تدفین کے حوالے سے ایرانی خبر رساں ادارے نے اپنی رپورٹ میں کہا ہے کہ 30 لاکھ افراد مشہد میں جمع تھے جو ابراہیم رئیسی کے آخری سفر کو دیکھنے کے لیے جمع تھے۔

گزشتہ روز تبریز میں ایران کے خامنہ ای نے ایرانی صدر مرحوم ابراہیم رئیسی اور ان کے ساتھ ہیلی کاپٹر حادثے میں جاں بحق ہونے والے افراد کی نماز جنازہ پڑھائی تھی جس میں لاکھوں افراد نے شرکت کی تھی۔